புதுக்கோட்டை: புதுக்கோட்டையில் அண்ணாத்துரை சிலைக்கு மாலை அணிவித்து மரியாதை செலுத்துவதில் அ.தி.மு.க., மற்றும் தி.மு.க., வினரிடையே மோதல் ஏற்படும் சூழ்நிலை உருவாகியது.

அப்போது நிர்ணயிக்கப்பட்ட நேரத்துக்குள் மாலை அணிவித்து மரியாதை செலுத்துவதற்காக அ.தி.மு.க., வினர் கட்சி அலுவலகத்திலிருந்து ஊர்வலமாக வந்துகொண்டிருந்தனர். இதை பார்த்த போலீஸாருக்கு டென்ஷன் எகிறியது. 'ஒருமணி நேரத்துக்குள் டிஜிட்டல் போர்டு அகற்றப்படும்' என எஸ்.பி., முத்துசாமி உறுதியளித்ததை தொடர்ந்து தி.மு.க.,வினர் கலைந்து சென்றனர். அண்ணாதுரை சிலைக்கு மாலை அணிவித்து மரியாதை செலுத்திய அ.தி.மு.க., மாவட்டச் செயலாளர் ராமையா, ''அண்ணாதுரை சிலை தி.மு.க.,வினருக்கு மட்டும் சொந்தமானதல்ல. சிலை அருகில் அ.தி.மு.க., சார்பில் வைக்கப்பட்டுள்ள தட்டி போர்டை அகற்ற போலீஸாருக்கு தி.மு.க., மாவட்டச் செயலாளர் பெரியண்ணன் அரசு ஒருமணி நேரம் கெடு விதித்துள்ளார். போலீஸாரை அகற்ற சொல்வதற்கு பதில் முடிந்தால் நீங்களே அகற்றி பாருங்கள்,'' என சவால் விடுத்தார்.

தகவலறிந்த தி.மு.க.,வினர் நாங்கள் எதற்கும் அஞ்சாதவர்கள் என கூறிக்கொண்டு போர்டை அகற்றுவதற்காக மீண்டும் சிலையின் அருகே குவிந்தனர். அங்கு அ.தி.மு.க.,வினரும் குவிந்ததால் பதட்டமான சூழ்நிலை நிலவியது. இதையடுத்து சிலையை சுற்றி ஏராளமான போலீஸார் குவிக்கப்பட்டனர். அண்ணாதுரை சிலை அருகில் டிஜிட்டல் போர்டு வைக்க தி.மு.க.,வினருக்கு அனுமதி வழங்கப்பட்டதைத் தொடர்ந்து பிரச்னைக்கு முற்றுப்புள்ளி வைக்கப்பட்டது.