தேவாரம் : தேவாரத்தில் லாஞ்சர் வெடித்த இடத்தில் துணை ராணுவ அதிகாரி ராதா விசாரணை நடத்தினார்.

லாஞ்சர் தான்: துணை ராணுவ அதிகாரி ராதா கூறுகையில்,'வெடித்தது டி.என்.டி., ரக லாஞ்சர். 700 கிராம் மெட்டல் பவுடர் பயன்படுத்தப்பட்டிருக்கலாம். வெடித்த போது 6 ஆயிரம் முதல் 8 ஆயிரம் டிகிரி செல்சியஸ் வெப்ப அலை 20 அடி சுற்றளவில் பரவியிருக்க வேண்டும்,'என்றார். பிரவீன்குமார் அபினவு எஸ்.பி., கூறுகையில்,'வெடித்தது ராணுவத்தில் பயன்படுத்தும் ஒருவகையான லாஞ்சர். பயிற்சிக்கு பயன்படுத்தும்போது, சில லாஞ்சர் வெடிக்காமல் இருக்கும். அதனை ராணுவத்தில் பணிபுரிந்தவர்கள் வீட்டிற்கு கொண்டு வந்திருக்கலாம். இதனை குணசேகரினிடம் விற்றிருக்க வேண்டும்,'என்றார். பலியான குணசேகரன், பவுன்தாய் ஆகியோரின் உடலில் இருந்த வெடி பொருளின் உதிரி பாகங்களை போலீசார் நேற்று சேகரித்துள்ளனர்.