திருமலை கோவில் பொக்கிஷத்தில் வைக்கப்பட்டுள்ள ஆபரணங்கள், பொக்கிஷத்தில் உள்ள ஆவணங்களின்படி உள்ளதா என்பதை, தேவஸ்தான அதிகாரிகள், ஆண்டுக்கு ஒருமுறை பரிசீலனை செய்வது வழக்கமாக கடைபிடிக்கப்படுகிறது. கடந்த பிப்ரவரி மாதம், ஆபரணங்களை கணக்கிடும் பணி, அப்போது தேவஸ்தான துணை நிர்வாக அதிகாரியாக இருந்த பாஸ்கர் மேற்பார்வையில் தொடங்கப்பட்டது. அவர் திடீரென மாற்றலாகிச் சென்று விட்டதால், அப்பணி நின்று போனது.