விருதுநகர் மாவட்டம் காரியாபட்டி அருகே எஸ்.மறைக்குளம், சத்திரம்புளியங்குளம் கிராமங்களில் கிட்னி பாதிப்பால் ஐந்து ஆண்டுகளில் 50க்கும் மேற்பட்டவர்கள் இறந்துள்ளது தொடர்பாக,' தினமலர்' இதழில் நேற்று செய்தி வெளியானது.

இதன் எதிரொலியாக, சுகாதாரத் துறையினர் இக்கிராமங்களுக்கு நேரடியாக சென்று பாதிக்கப்பட்டவர்களிடம் விசாரணை மேற்கொண்டனர். குடிநீர் மாதிரிகளையும் ஆய்வுக்காக சேகரித்தனர்.' உரிய நடவடிக்கை மேற்கொள்ளப்படும்,' என ,கிராம மக்களிடம் உறுதி அளித்துள்ளனர்.