குளித்தலை: குளித்தலை பகுதியில் மொபைல் ஃபோனில் பேசிக்கொண்டு டிரைவர்கள் பஸ்களை இயக்குவதால் பயணிகள் திகில் பயணம் மேற்கொள்கின்றனர்.

பயணிகளை பத்திரமாக ஒரு இடத்தில் இருந்து மற்றொரு இடத்துக்கு அழைத்துச் செல்லும் பஸ் டிரைவர்கள், பணி நேரத்தில் மொபைல் ஃபோன் பயன்படுத்த தடை இருந்தும் பெரும்பாலான டிரைவர்கள் கடைபிடிப்பதில்லை. இதுமட்டுமின்றி டிரைவர்கள் மொபைல் ஃபோனில் பேசிக்கொண்டே வாகனத்தை இயக்குவதை போலீஸார் பார்த்தாலும் நடவடிக்கை எடுப்பதில்லை. ஆகவே, பஸ் மற்றும் லாரி டிரைவர்கள் பணி நேரத்தின் போது மொபைல் ஃபோனை பேச அனுமதிக்க கூடாது. மேலும் கடுமையான நடவடிக்கை எடுக்க வேண்டும் என பயணிகள் எதிர்பார்க்கின்றனர்.