மதுரை:''மதுரை மாநகராட்சி 83வது வார்டு, அனைத்து அடிப்படை வசதிகளும் செய்யப்பட்டு எந்தக்குறையும் இல்லாத மாநிலத்தில் முன்மாதிரியாக மாற்றப்படும்,'' என, ம.தி.மு.க., வேட்பாளர் வக்கீல் ஏ.பாலாஜி உறுதி கூறினார்.பாலாஜி கூறியதாவது: ம.தி.மு.க., பொது செயலாளர் வைகோ நடத்துவது போல, மஞ்சள் காமாலை தடுப்பூசி வழங்க நடவடிக்கை எடுக்கப்படும்.

மாற்று திறனாளிகளுக்கான இலவச பொது மருத்துவ முகாம் நடத்தப்படும். வார்டிலுள்ள மாநகராட்சி பள்ளிகள் தனியார் பள்ளிகளுக்கு இணையாக தரம் உயர்த்தப்படும். வார்டில் பத்தாவது, பிளஸ் 2 தேர்வில் அதிக மதிப்பெண் பெறுவோரது உயர்கல்வி செலவை சொந்த பணத்தில் ஏற்பேன். இளைஞர்கள் ஐ.ஏ.எஸ்., ஐ.பி.எஸ்., தேர்வுகளில் வெற்றி பெற இலவச பயிற்சி மையம் அமைய குரல் கொடுப்பேன். வேலை வாய்ப்பு பெற்று கொடுக்கப்படும். பாதாள சாக்கடை திட்டம், முதியோர், விதவை, திருமண நிதியுதவி போன்றவை கிடைக்க செய்யப்படும். பெண்கள் முன்னேற்றத்திற்கும் தனி கவனம் செலுத்தப்படும். ஐந்தாண்டுகளில் எந்த குறையும் இல்லாத தமிழகத்திலேயே முன்மாதிரி வார்டாக மாற்றப்படும், என்றார்.