வனப்பகுதி யொட்டிய விளைநிலங்களில் வன விலங்குகள் புகுந்து சேதப்படுத்துவதோடு, தண்ணீருக்காக தனியார் நிலங்களில் உள்ள கிணறுகளில் விழுந்து பலியாகும் சம்பவமும் அதிகரித்துவருகிறது. இதை தவிர்க்க வனப்பகுதியை யொட்டிய விளைநிலங்களில் சூரிய மின் வேலி அமைக்க வேண்டும். ஏற்கனவே செண்பகத்தோப்பு, பிள்ளையார்நத்தம் ரெங்கர் தீர்த்தம் பகுதியில் வனத்துறை சார்பில் அமைக்கப்பட்ட மின்வேலி செயல் இழந்து உள்ளது. இதை சீர் செய்ய நடவடிக்கை எடுக்க வேண்டும். வனவிலங்குகளுக்கு தண்ணீர் தேவையை பூர்த்தி செய்ய, கூடுதலாக ஆழ்துளை கிணறு அமைத்து, தண்ணீர் தொட்டி அமைக்க வழி செய்ய வேண்டும்.