மாநகராட்சியில் புதிய கமிஷனராக அஜய் யாதவ் நேற்று பொறுப்பேற்றுக் கொண்டார். அவரிடம் சுப்பையன் பொறுப்புக்களை ஒப்படைத்தார்.அஜய் யாதவ் கூறுகையில், ''நெல்லைக்கு தற்போதுதான் முதல்முறையாக வந்துள்ளேன். மாநகராட்சி பகுதியில் மக்களின் தேவைகளை அறிந்து, செயல்படுவேன். மக்கள் பிரச்னைக்கு உடனடியாக நடவடிக்கை எடுக்கப்படும்'' என்றார்.அஜய் யாதவ் ராஜஸ்தான் மாநிலத்தை சேர்ந்தவர். இவரது குடும்பத்தினர் மகராஷ்டிரா மாநிலத்தில் வசித்து வருகின்றனர். கடந்த 2006ம் ஆண்டு ஐஏஎஸ்., தேர்ச்சி பெற்று மதுரையில் துணை கலெக்டராக பணியாற்றினார். 2008-09ம் ஆண்டு மயிலாடுதுறையில் சப்-கலெக்டராக பணியாற்றினார். அக்டோபர் மாதம் 2009ம் ஆண்டு முதல் வணிகவரித்துறை உதவி கமிஷனராக பணியாற்றினார்.