சந்தாதாரர்கள் இந்தியா முழுவதும் சிகிச்சை பெறும் வகையில் பயோ - மெட்ரிக் கார்டு வழங்கப்பட உள்ளதாக, நெல்லை மண்டல இணை இயக்குனர் எம். கருணாநிதி கூறினார்.நாகர்கோவில் கிளை இ.எஸ்.ஐ. சார்பில் நடைபெற்ற வைர விழாவில் அவர் பேசியதாவது:இ.எஸ்.ஐ.- வைர விழாவையொட்டி, அதன் திட்டங்களில் பெரும் மாற்றங்கள் கொண்டு வரப்படுகிறது. 'பயனாளிக்கு முதலில் சேவை; அதன் பின் சந்தா' என்ற கொள்கை கடைபிடிக்கப்படும். இந்தியா முழுவதும் சிகிச்சை பெறும் வகையில் இ.எஸ்.ஐ. திட்டம் விப்ரோவுடன் இணைந்து 1200 கோடி ரூபாய் செலவில் கம்ப்யூட்டர் மயமாக்கப்படுகிறது. இதன்மூலம் இ.எஸ்.ஐ. சந்தாதாரர்கள் சிகிச்சைக்கு செல்லும் போது பணம் எடுத்து செல்ல வேண்டியதில்லை. அனைத்து விபரங்களும் கம்ப்யூட்டரில் வந்துவிடும்.