கடந்த 15 ஆண்டுகளாக இந்த சாலை பராமரிப்பின்றி குண்டும் குழியுமாகவும், கரடு முரடாகவும் காணப்படுவதால் இவ்வழியாக வாகனங்கள் மற்றும் விவசாய பணிகளுக்கு டிராக்டர், மாட்டு வண்டி செல்ல முடியாமல் விவசாயிகள் பெரிதும் பாதிக்கப்பட்டுள்ளனர். உரம் மற்றும் விளை பொருட்களை தலை சுமையாகவே கொண்டு செல்கின்றனர். கடந்த சில மாதங்களுக்கு முன் குண்டாறு செல்லும் சாலையை சீரமைக்க ரோட்டின் இருபுறமும் ஜல்லி கற்களை தட்டி சென்றனர். ஆனால் இதுவரை சாலை பணியை மேற்கொள்ளவில்லை.

எனவே விவசாயிகள் மற்றும் பொதுமக்கள், குண்டாறு செல்லும் சுற்றுலா பயணிகள் நலன் கருதி உடனே சாலை வசதி செய்து தரவேண்டும் என பொதுமக்கள் கோரிக்கை விடுத்துள்ளனர்.