'நாக்அவுட்-லீக்' போட்டியில், 29 கல்லூரி அணிகள் பங்கேற்றன. வடவள்ளி போலீஸ் இன்ஸ்பெக்டர் கனகசுந்தரம் போட்டியை துவக்கினார். பாரதியார் பல்கலை உடற்கல்வி இயக்குனர் முருகவேல் வரவேற்றார். போட்டி கன்வீனர் அன்பழகன் நன்றிகூறினார். காலிறுதி போட்டிகள்: முதல் போட்டியில் பி.எஸ்.ஜி.,கலை அறிவியல்கல்லூரி 64-15 என்ற புள்ளி கணக்கில் கோபி கலை கல்லூரியையும், இரண்டாவது போட்டியில் சி.எஸ்.ஐ., பிஷப் அப்பாசாமி கலை அறிவியல் கல்லூரி 56-19 புள்ளி கணக்கில் கே.ஜி., கலை கல்லூரியையும் வென்றன. மூன்றாவது போட்டியில் பாரதியார் பல்கலை உடற்கல்வித்துறை 48-39 புள்ளி கணக்கில் கிருஷ்ணா கலை அறிவியல் கல்லூரியையும், நான்காவது போட்டியில் ஜி.ஆர்.டி.,அறிவியல் கல்லூரி 52-16 புள்ளி கணக்கில் பொள்ளாச்சி என்.ஜி.எம்.,கல்லூரியையும் வென்றன. ஜி.ஆர்.டி.,கல்லூரி, பாரதியார் பல்கலை, பிஷப் அப்பாசாமி கல்லூரி, பி.எஸ்.ஜி.,கல்லூரி ஆகிய அணிகள் 'லீக்' போட்டியில் விளையாட தகுதி பெற்றன.