கோவை : சிங்காநல்லூர் பெர்க்ஸ் மெட்ரிக் மேல்நிலை பள்ளியில் 'லிம்கா புக் ஆப் ரெக்கார்ட்ஸ் குவிஸ் 2011' போட்டி நேற்று நடந்தது.

தேசத்தில் இளம் நெஞ்சங்களின் அறிவு மற்றும் விழிப்புணர்ச்சியை அதிகரிக்கும் வகையில் இப்போட்டி நடத்தப்படுகிறது. சர்வதேசத்திலுள்ள இந்திய சாதனையாளர்களை கவுரவிப்பதன் வழியாக, இன்றைய இளைய சமுதாயத்தினருக்கு ஊக்கமும், வேகத்தையும் வழங்கும் விதமாக 'லிம்கா புக் ஆப் ரெக்கார்ட்ஸ்' என பெயரிட்டு நடத்தப்படுகிறது. கோவை மாவட்டத்தை சேர்ந்த 55 பள்ளிகளில் இருந்து 300 மாணவர்கள் பங்கேற்றனர். போட்டியில் வித்யா நிகேதன் பள்ளி மாணவர்கள் தருண்யா, அருண் சந்திரசேகர் ஆகியோர் முதலிடம் பிடித்தனர். வெற்றி பெற்ற மாணவர்கள், 80 நகரங்களை சேர்ந்த வெற்றியாளர்களுடன் தேசிய அளவிலான அரையிறுதி போட்டியில் பங்கேற்பர். இதில், 12 வயதுக்கும் மேற்பட்ட எட்டாம் வகுப்பு முதல் பிளஸ் 2 வரை படிக்கும் அனைத்து மாணவர்களும் இப்போட்டியில் பங்கேற்கலாம். இது மூன்று கட்டங்களாக நடத்தப்படுகிறது. இன்டர் ஸ்கூல் சுற்றில் அதிகபட்சம் இரண்டு உறுப்பினர்கள் கொண்ட மூன்று குழுக்கள், ஒரு பள்ளியில் அனுப்பப்படலாம். பங்கேற்கும் மாணவர்களுக்கு 30 நிமிட எழுத்து தேர்வு நடத்தப்படும். இதில் அடுத்த சுற்றுக்கு ஒரு அணி மட்டுமே தேர்வு செய்யப்படும். முதல் ஆறு அணிகள் அவர்கள் பெறும் மதிப்பெண்களுக்கேற்ப நகர இறுதிப் போட்டிக்கு தகுதி பெறுகின்றனர். அதில் அதிக புள்ளிகளை பெறும் அணி 'லிம்கா புக் ஆப் ரெக்கார்ட்ஸ் குவிஸ் 2011' போட்டியின் நகர வெற்றியாலராக அறிவிக்கப்படும். அரையிறுதி சுற்றில், 80 நகரங்களின் வெற்றியாலர்கள் தேசிய அளவிலான இறுதி போட்டியில் பங்கேற்க விளையாடுவர். நான்கு மண்டலங்களிலிருந்து, குறைந்தபட்சம் இரு மண்டல குழுக்கள் அடங்கிய முதல் 10 அணிகள், தேசிய அளவிலான இறுதிபோட்டியில் பங்கேற்பர். தேசிய அளவிலான இறுதி போட் டியை குவிஸ் மாஸ்டர் டெரிக் ஓ பிரையின் நடத்துவார். வெற்றி பெற்ற மாணவர்களுக்கு கோவை இந்துஸ்தான் கோகோ கோலா பீவரேஜ் நிறுவன ஏரியா விற்பனை மேலாளர் சங்கர் ஹரிஹரன், வினியோக மேலாளர் சசி ஸ்ரீதரன் ஆகியோர் பரிசுகளை வழங்கினர்.