கடலூர்:புதுப்பாளையம் ராஜகோபால சுவாமி இன்று திருப்பதி சீனுவாசன் அலங்காரத்தில் அருள்பாலிக்கிறார்.கடலூர், புதுப்பாளையம் ராஜகோபால சுவாமி கோவிலில் புரட்டாசி மூன்றாவது சனிக்கிழமையை முன்னிட்டு இன்று காலை 6 மணிக்கு சிறப்பு பூஜை நடக்கிறது.

அதனைத் தொடர்ந்து திருப்பதி சீனுவாசன் அலங்காரத்தில் பெருமாள், பக்தர்களுக்கு அருள்பாலிக்கிறார். மாலை 6 மணிக்கு ஸ்ரீதேவி பூமிதேவி சகிதமாக ராஜகோபாலன் கோவில் உள் புறப்பாடு நடக்கிறது.ஏற்பாடுகளை கோவில் நிர்வாக அதிகாரி நாகராஜன், தலைமை அர்ச்சகர் கிருஷ்ணமூர்த்தி பட்டாச்சாரியார், பிரபு, நரசிம்மன் பட்டர், அலுவலர்கள் சண்முகம், தீனதயாளன் ஆகியோர் செய்து வருகின்றனர்.