காரைக்கால் : சென்னை, தூத்துக்குடி துறைமுகங்களில் தடை செய்தது போல, காரைக்கால் துறைமுகத்தில் நிலக்கரி கையாள்வதை தடை செய்ய வேண்டும் என மா.கம்யூ., மாநாட்டில் தீர்மானம் நிறைவேற்றப்பட்டது.

சுற்றுச்சூழல் பாதிப்பை ஏற்படுத்தி வரும் நிலக்கரி கையாள்வதை, சென்னை, தூத்துக்குடி துறைமுகங்களில் தடை செய்தது போல் காரைக்காலிலும் தடை செய்ய நடவடிக்கை எடுக்க வேண்டும். காரைக்கால் அரசு மருத்துவமனையில் காலியாக உள்ள டாக்டர் உள்ளிட்ட பணியிடங்களை நிரப்ப வேண்டும், காரைக்கால் - நாகூர் அகல ரயில்பாதை திட்டத்தை முடித்து உடனடியாக ரயில் போக்குவரத்தை துவக்க வேண்டும். நெல் கொள்முதல் நிலையம் அமைத்து, ஊக்கத்தொகையாக ஹெக்டேருக்கு ரூ. 7000 வழங்க வேண்டும் உள்ளிட்ட தீர்மானங்கள் நிறைவேற்றப்பட்டன.