'கூடங்குளத்தில் அணு மின் உலை செயல்படுவது குறித்து அப்பகுதி மக்கள் தொடர்ந்து போராட்டங்களை நடத்தி வருகின்றனரே?' எனக் கேட்டதற்கு, 'அது என் துறையின் கீழ் வராது. அணுசக்தி துறை சம்பந்தப்பட்டது' என்றார். அடுத்ததாக, உள்ளாட்சி தேர்தலில் தி.மு.க., தனித்து போட்டியிடும் என்று அறிவித்துள்ளது குறித்து கேட்டபோது, 'நோ கமென்ட்ஸ்' எனக் கூறி, நகர துவங்கினார். பத்திரிகையாளர்கள் விடாமல், 'பெட்ரோல் விலை அதிகரித்துள்ளது குறித்து, காங்கிரஸ் கட்சியின் கூட்டணிக் கட்சிகளே அதிருப்தி தெரிவித்துள்ளனவே?' எனக் கேட்டனர். இதற்கு பதிலளிக்காமல், 'எனக்கு வழி விடுகின்றீர்களா?' எனக் கேட்டுவிட்டு, வேகமாக கிளம்பிச் சென்று விட்டார்.