நடிகை மம்தா மோகன்தாஸ் அவரது சிறு வயது நண்பரை திருமணம் செய்யவிருக்கிறார். இவர்களது திருமண நிச்சயதார்த்தம் அடுத்த மாதம் ( நவம்பர்) நடைபெறவிருக்கிறது. அடுத்த ஆண்டின் முதல் பாதியில் திருமணம் நடைபெறும் என தெரிகிறது.

இந்நிலையில் திருமணத்தை ஆர்வத்துடன் எதிர்பார்த்திருப்பதாகவும், எல்லா பெண்களைப் போலவும் திருமண ஷாப்பிங் குறித்து பெரிய அளவில் மனக்கோட்டை கட்டி வைத்திருப்பதாகவும் கூறியுள்ளார் நடிகை மம்தா மோகன்தாஸ். டிசம்பர் மாதம் முதல் திருமணத்துக்காக ஷாப்பிங் செய்ய திட்டமிட்டிருப்பதாகவும் தெரிவித்துள்ளார். அவரது வருங்கால கணவர் பற்றி கேள்வி கேட்டால் மட்டும் வெட்கத்துடன், நிச்சயதார்தத்துக்குப் பிறகு என்னவர் பற்றி நிறைய கூறுகிறேன் என்கிறார்.