கோவை:அண்ணா பல்கலை அனைத்து இன்ஜினியரிங் கல்லூரிகளுக்கான டேபிள் டென்னிஸ் போட்டியில், பி.எஸ்.ஜி.,தொழில்நுட்ப கல்லூரி சாம்பியன் பட்டம் வென்றது.அண்ணா பல்கலை மண்டலம்-2 அனைத்து இன்ஜினியரிங் மாணவர்களுக்கான டேபிள் டென்னிஸ் போட்டி, வி.எல்.பி.,ஜானகிஅம்மாள் இன்ஜினியரிங் கல்லூரியில் நடந்தது. 19 கல்லூரிகள் 'நாக்அவுட்' முறை போட்டியில் பங்கேற்றன. இறுதி போட்டியில் பி.எஸ்.ஜி., தொழில்நுட்ப கல்லூரி 3-2 செட் கணக்கில், சேலம் சோனா இன்ஜினியரிங் கல்லூரியை வென்றது.

முதல் அரைஇறுதி போட்டியில் பி.எஸ்.ஜி.,தொழில்நுட்ப கல்லூரி 3-0 என்ற செட் கணக்கில், ஈரோடு கொங்கு இன்ஜினியரிங் கல்லூரியையும், மற்றொரு அரைஇறுதி போட்டியில் சோனா இன்ஜினியரிங் கல்லூரி 3-2 என்ற செட் கணக்கில் கிருஷ்ணா இன்ஜினியரிங் கல்லூரியையும் வென்றன. மூன்றாவது இடத்துக்கான போட்டியில் கொங்கு இன்ஜினியரிங் கல்லூரி 3-2 என்ற செட் கணக்கில் கிருஷ்ணா இன்ஜினியரிங் கல்லூரியை வென்றது. வி.எல்.பி.,ஜானகிஅம்மாள் இன்ஜினியரிங் கல்லூரி முதல்வர் சவுந்தரராஜ் பரிசு வழங்கினார். கல்லூரி உடற்கல்வி இயக்குனர் குமரேசன் நன்றிகூறினார்.