100 வழங்கினர். அலங்காநல்லூர் ஒன்றியத்தில் ஊராட்சி தலைவர், ஒன்றியக்குழு உறுப்பினர். ஊராட்சி வார்டு உறுப்பினர் பதவிக்கு மனு தாக்கல் நேற்று விறுவிறுப்பாக நடந்தது. மனு தாக்கல் முடிந்ததும் ஓட்டல்களில் பிரியாணி, சாப்பாடு உட்பட அசைவ உணவு வகைகளுடன் விருந்து வழங்கப்பட்டது. பெண்களுக்கு நூறு ரூபாயும், ஆண்களுக்கு குவாட்டர் பாட்டில்கள் வழங்குவதில் வார்டு மெம்பர்களுக்கு மனு தாக்கல் செய்தவர்களும் சளைத்தவர்கள் இல்லை என நிரூபித்தனர். ஊராட்சி தலைவர் பதவிக்கு 131 பேர், வார்டு உறுப்பினர் பதவிக்கு 446 உட்பட 577 பேர் தேர்தல் அலுவலர் பசீர் முகமதுவிடம் மனு தாக்கல் செய்தனர். ஊராட்சி ஒன்றிய குழு உறுப்பினர் பதவிக்கு தேர்தல் அலுவலர் ரெங்கராஜூவிடம் 30 பேர் மனு தாக்கல் செய்தனர். இன்று மனு தாக்கல் செய்ய கடைசி நாள் என்பதால் பலத்த போலீஸ் பாதுகாப்புக்கு ஏற்பாடு செய்யப்பட்டுள்ளது.