மதுரை : ''தெருக்களில் சோடியம் விளக்கு, மருத்துவமனை மற்றும் அடிப்படை வசதிகளை மேம்படுத்துவேன்,'' என, 20வது வார்டு தி.மு.க., வேட்பாளர் பி.ராஜசேகரன் கூறினார்.அவர் கூறியதாவது: அரசரடி, முத்துராமலிங்க தேவர் தெரு, திருமலைக் காலனி, பாரதியார்நகர், கண்மாய்க்கரை, பாண்டியன்நகர், சந்தனமாரியம்மன் கோயில் தெரு, விஜயசேகரன் தெரு, ஆரோக்கியமாதா தெரு உட்பட அனைத்து பகுதிகளிலும் அடிப்படை வசதியை மேம்படுத்துவேன்.

வாகனங்கள் வரஇயலாத தெருக்களில் பேவர் பிளாக் பதிக்க நடவடிக்கை எடுப்பேன். விஜயசேகரன் தெருவில் தரமான ரோடு அமைப்பேன். அனைத்து தெருக்களிலும் சோடியம் விளக்குகள் அமைப்பேன். பீபிசாவடியில் மாநகராட்சி ஆஸ்பத்திரி ஏற்படுத்துவேன். மக்களுக்கு சுகாதாரமான குடிநீர் கூடுதலாக கிடைக்கச் செய்வேன். அரசின் சலுகைகள், முதியோர், ஊனமுற்றோர், விதவை, ஆதரவற்றோர் திட்டங்களின் பயனை பெற்றுத் தருவேன். வடிகால், சாக்கடை வசதியை மேம்படுத்தி, கொசுத் தொல்லை போக்குவேன். அனைத்து தெருக்களிலும் சிமென்ட் சாலை, ஒத்தக்கடை மார்க்கெட் விரிவாக்கம், நூலக வசதி ஏற்படுத்தவும் செய்வேன். இவ்வாறு அவர் கூறினார்.