திருச்சி பாரதிதாசன் பல்கலை பதிவாளர் ராமசாமி வெளியிட்டுள்ள செய்திக்குறிப்பு: திருச்சி பாரதிதாசன் பல்கலை ஆங்கிலத்துறையில் நடப்பு கல்வியாண்டு முதல், முதுகலை இதழியல் மற்றும் தகவல் தொடர்பியல் மற்றும் இதழியல் மற்றும் தகவல் தொடர்பியலில் முதுகலை பட்டயப்படிப்பு துவங்குகிறது.

இப்படிப்புகளில் சேருவதுக்கு, பல்கலையால் அங்கரீக்கப்பட்ட ஏதேனும் ஒரு பட்டப்படிப்பு படித்திருக்க வேண்டும்.

விணணப்பப்படிவங்களை பல்கலை இணையத் தளத்தில் பதிவிறக்கம் செய்து விண்ணப்பிக்கலாம் அல்லது பல்கலையில் நேரில் பெற்றுக்கொள்ளலாம். விண்ணப்பங்களை பெறுவதுக்கும், சமர்ப்பிக்கவும், ஆக., 30ம் தேதி கடைசித் தேதி. இதற்கான கவுன்சிலிங் செப்., 5ம் தேதி நடக்கிறது. மேலும் விபரங்களுக்கு, முனைவர் அயோத்தி, ஆங்கிலத்துறைத் தலைவர், பாரதிதாசன் பல்கலை, திருச்சி என்ற முகவரியை தொடர்புக் கொள்ளலாம். இவ்வாறு அதில் தெரிவிக்கப்பட்டுள்ளது.