நெகமம் சுற்றுப்பகுதி விவசாயிகள் 7 பேர், ஒழுங்குமுறை விற்பனைக்கூட ஏலத்திற்கு 20 மூட்டை கொப்பரையை கொண்டு வந்தனர். மொத்தம் மூன்று வியாபாரிகள் கொப்பரையை தரம் பிரித்து ஏலம் கூறினர். ஒழுங்குமுறை விற்பனைக்கூட கண்காணிப்பாளர் சண்முகம் ஏலம் நடத்தினார்.முதல் தர கொப்பரை 18 மூட்டை ஏலம் விடப்பட்டதில், கிலோவுக்கு குறைந்தபட்சம் 50.20 ரூபாய் முதல், அதிகபட்சம் 52.60 ரூபாய் வரை விலை கிடைத்தது. இரண்டாம் தர கொப்பரை 2 மூட்டை ஏலம் விடப்பட்டதில், கிலோவுக்கு குறைந்தபட்சம் 30 ரூபாய் முதல், அதிகபட்சம் 43 ரூபாய் வரை விலை கிடைத்தது.ஆனைமலை சுற்றுப்பகுதி விவசாயிகள் 56 பேர் 106 மூட்டை கொப்பரையை ஆனைமலை ஒழுங்குமுறை விற்பனைக்கூடத்திற்கு கொண்டு வந்தனர். கொப்பரையை நான்கு வியாபாரிகள் ஏலம் எடுத்தனர். விற்பனைக்கூட கண்காணிப்பாளர் (பொறுப்பு) தமிழ்செல்வன் ஏலம் நடத்தினார்.முதல் தர கொப்பரை 64 மூட்டை ஏலம் விடப்பட்டதில், கிலோவுக்கு குறைந்தபட்சமாக 50.60 ரூபாய் முதல் அதிகபட்சமாக 52.40 ரூபாய் வரை விலை கிடைத்தது. இரண்டாம் தர கொப்பரை 42 மூட்டை ஏலம் விடப்பட்டதில், கிலோவுக்கு குறைந்தபட்சமாக 37.50 ரூபாய் முதல் அதிகபட்சமாக 49.05 ரூபாய் வரை விலை கிடைத்தது. அதிகாரிகள் கூறுகையில், வெளிமார்க்கெட்டில் தேங்காய் எண்ணெய், கொப்பரை போன்றவற்றின் விலை கணிசமாக உயர்ந்துள்ளது. முதல் தரகொப்பரை விலை கிலோவுக்கு 5 ரூபாய் அதிகரித்துள்ளது. இரண்டாம் தர கொப்பரை 4 ரூபாய் விலை அதிகரித்துள்ளது என்றனர்.