சென்னை : உதயநிதி ஸ்டாலின் மீது, பொய் புகார் அளித்த அறக்கட்டளை நிர்வாகி மீது நடவடிக்கைக் கோரி, தி.மு.க., வழக்கறிஞர்கள் பிரிவு செயலர் பாரதி, கமிஷனரிடம் மனு அளித்தார்.

காகரினும் மறுப்பு: புகாரில் முக்கியமானவராக குறிப்பிடப்பட்ட, முன்னாள் அமைச்சரின் பி.ஏ., காகரினும் தன் மீது ரங்காரெட்டி அளித்துள்ள புகாரை மறுத்துள்ளார். அத்துடன், ரங்காரெட்டி மற்றும் அவருடன் உள்ளோர், அப்பகுதியில் உள்ள ஐ.சி.எப்., நிலம், வில்லிவாக்கம் போலீஸ் நிலையம் அமைந்துள்ள இடங்களை அறக்கட்டளை நிலம் எனக்கூறி வருகின்றனர். அறக்கட்டளை நிலம் என கூறப்படும் அந்த நிலத்தை, தோஷி பில்டர்ஸ் நிறுவனம் வாங்குவதற்கு நான் உதவி செய்தேன். இந்த நிலத்தை அபகரிக்க ரங்கா ரெட்டி முயற்சி செய்து வருகிறார். அவர் மீது சட்டப்படி நடவடிக்கை எடுக்க வேண்டும் என, தன் மனுவில் குறிப்பிட்டுள்ளார்.