குற்றாலம் : குற்றாலம் அருகே பெண்ணிடம் நகை பறித்த வாலிபரை போலீசார் தேடி வருகின்றனர்.

மேலகரம் ஸ்டேட் பாங்க் காலனியில் வசித்து வருபவர் பாலகிருஷ்ணன். இவர் பட்டுப்பூச்சி வளர்ப்பு அலுவலராக பணியாற்றி வருகிறார். இவரது மனைவி கஸ்தூரி (47). இவரும், அருகே வசிக்கும் 3 பெண்களும் சேர்ந்து அருகேயுள்ள இலஞ்சி குமரன் கோயிலுக்கு சென்று சுவாமி கும்பிட்டு மேலகரத்திற்கு நடந்து வந்து கொண்டிருந்தனர். சீவலப்பேரிகுளம் அருகே வந்தபோது சுமார் 30 வயது மதிக்கத்தக்க நபர் ஒருவர் கஸ்தூரி அணிந்திருந்த 3 பவுன் செயினை பறித்துக் கொண்டு ஓடிவிட்டார். இதன் மதிப்பு ரூ.60 ஆயிரம் ரூபாய் ஆகும். கஸ்தூரி கொடுத்த புகாரின் அடிப்படையில் குற்றாலம் இன்ஸ்பெக்டர் பூமிநாதன் வழக்குபதிவு செய்து மர்ம நபரை தேடி வருகிறார்.