திருமங்கலம் : ''திருமங்கலம் நகராட்சி ராஜாராம் 11வது தெருவில் பாலம் மற்றும் பாதை பிரச்னைக்கு தீர்வு காணப்படும்,'' என, ஐந்தாவது வார்டு தி.மு.க., வேட்பாளர் முத்துக்குமார் உறுதி கூறினார்.

வார்டின் அனைத்து பகுதிகளிலும் தெருவிளக்குகள் நன்கு பராமரிக்கப்பட்டன. என்.ஜி.ஓ., நகரில் பாலம் சீரமைக்கப்பட்டு விரிவு படுத்தப்பட்டது. வார்டில் ஆங்காங்கே அடிகுழாய்கள், சின்டெக்ஸ் டேங்க் அமைத்து குடிநீர் வசதி செய்யப்பட்டது.மீண்டும் வெற்றி பெற்றவுடன் அரசு ஓமியோபதி கல்லூரி செல்லும் பாதையில் மக்கள் நடமாட்டத்திற்கான உரிமை பெற்று கொடுக்கப்படும். 5வது வார்டிற்குட்பட்ட ராஜாராம் 11வது தெருவில் புதிதாக பாலம் அமைக்க முயற்சி எடுக்கப்படும். என்.ஜி.ஓ., நகரில் மக்களின் கோரிக்கையை ஏற்று விநாயகர் கோவில் கட்ட உறுதுணையாக இருப்பேன், என்றார்.