பாபநாசம்: பாபநாசம் டவுன் பஞ்சாயத்து தலைவர் பதவிக்கு 11 வேட்பு மனு தாக்கல்செய்திருந்தனர்.

இதில் 4 பேர் வாபஸ் பெற்றனர்.தி.மு.க. சார்பில் நகர செயலாளர் துரையும், அ.தி.மு.க., தொகுதி செயலாளர் கருணாநிதி, காங்கிரஸ் சார்பில் நகர செயலாளர் பூபதிராஜா, தே.மு.தி.க., சார்பில் ஒன்றிய செயலாளர் மைக்கேல்ராஜ், சுயேட்சைகள் வக்கீல் ராஜா, மகளிர் அமைப்பு சார்பில் விஜயாள், வீரமணி என 7 பேர் களத்தில் உள்ளனர்.பாபநாசம் யூனியனில் உள்ள 2 மாவட்ட கவுன்சிலர் பதவிக்கு 11 வது வார்டில் 6 பேரும் 12 வது வார்டில் 7 பேரும் போட்டியிடுகின்றனர். 21 யூனியன் கவுன்சிலர் பதவிக்கு 123 பேரும், 34 கிராம பஞ்சாயத்து தலைவர் பதவிக்கு 168 பேரும், அதில் உள்ள வார்டுக்கு 994 பேரும் போட்டியிடுகின்றனர்.