தமிழகத்தில் நடக்க உள்ள உள்ளாட்சி தேர்தலில் ஒவ்வொரு யூனியனிலிருந்தும் ஆசிரியர்கள் நியமிக்கப்பட்டுள்ளனர். இதில் தேர்தல் அலுவலர் நியமனத்தில் குளறுபடி ஏற்பட்டுள்ளது. உதாரணமாக ஆழ்வை யூனியனுக்குட்பட்ட ஆசிரியர்கள் புதுக்கோட்டை யூனியனில் பணிபுரிய நியமிக்கப்பட்டுள்ளனர். இதில் தலைமையாசிரியர்களை வாக்குச்சாவடி அலுவலர்-4 மற்றும் 5 எனவும், இடைநிலை ஆசிரியர்களை வாக்குச்சாவடி அதிகாரிகளாகவும் நியமனம் செய்துள்ளனர். இந்த நியமனத்தை தமிழ்நாடு தொடக்கப்பள்ளி ஆசிரியர் கூட்டணியின் ஆழ்வை யூனியன் சார்பில் கண்டனம் தெரிவித்ததோடு நியமன குளறுபடியை நீக்கி பதவிக்கேற்ற நியமனம் வழங்கவும் கோரிக்கை விடுத்துள்ளனர்.