மதுரை : மதுரையில் போட்டியிடும் வேட்பாளர்களுக்கு எதிராக போர்க்கொடி தூக்கியுள்ள அதிருப்தியாளர்களை சமரசம் செய்யும் முயற்சியில் நிர்வாகிகள் ஈடுபட்டுள்ளனர்.

இந்த அதிருப்தியையும், 'சீட்' கிடைக்காமல் 'உள்குத்து' வேலையில் ஈடுபடும் அதிருப்தியாளர்களையும் சமாளிப்பதே கட்சி நிர்வாகிகளுக்கு முதல் 'தேர்தல்' பணியாக உள்ளது. 'நம்ம வேட்பாளரை வெற்றி பெற வச்சிடுங்க. உங்களுக்கு வாரிய உறுப்பினர் போன்ற பதவிகளை 'அம்மா'விடம் பெற்று தருகிறோம்' என்று ஆளுங்கட்சி தரப்பில் சமரச முயற்சிகள் நடக்கின்றன. தி.மு.க.,விலோ 'சீட்' கிடைக்காதவர்கள் பெயரளவிற்கு தேர்தல் பணியை மேற்கொண்டுள்ளனர். சிலர் தங்கள் சொந்த தொழிலில் கவனம் செலுத்த ஆரம்பித்துள்ளனர்.