நேரம் காலம் அறிந்து செயல்படுவதில் வல்லவரான உங்களுக்கு, பிறக்கும் ஆவணி மாதம் யோகமான மாதமாகும். பூர்வ புண்ணிய ஸ்தானத்தில் ஞான மோட்சக்காரகன் கேது சஞ்சரித்து, மனதில் குழப்பத்தை ஏற்படுத்தினாலும், ராசிநாதன் செவ்வாய் சகாய ஸ்தானத்தில் சாதகமாக சஞ்சரிப்பதால் எடுக்கின்ற முயற்சிகள் வெற்றியாகும். நினைத்த காரியங்கள் நடந்தேறும். தைரியமும் தன்னம்பிக்கையும் கூடும். ஆரோக்யம் மேம்படும். வியாபாரம் தொழிலில் ஏற்பட்ட தடைகள் விலகும். வரவேண்டிய பணம் வரும். குடும்பத்தில் நிம்மதியான நிலை இருக்கும். சகோதரர்களுடன் ஏற்பட்ட இடைவெளி விலகும். உறவினர்கள் உங்கள் முயற்சிகளுக்கு ஆதரவாக இருப்பர். வேலைப்பார்க்கும் இடத்தில் ஏற்பட்ட சங்கடங்கள் நெருக்கடிகள் பிரச்னைகள் யாவும் முடிவிற்குவரும். உங்கள் செல்வாக்கு உயரும். விரய ஸ்தானத்தில் சஞ்சரித்துவரும் சனி பகவான் வக்கிரம் அடைந்திருப்பதால் கெடு பலன்கள் குறையும்.  நிம்மதியான நிலை உண்டாகும். வீண் செலவுகள் கட்டுப்படும் என்றாலும், தன புத்திர காரகனும் சப்தமாதிபதியுமான சுக்கிரன் சஞ்சாரம் மாதம் முழுவதும் எதிர்மறையாக இருப்பதால் உடல் நிலையில் கவனமாக இருப்பதுடன் எதிர்பாலினர் விஷயத்தில் ஓரடி விலகி இருப்பது உங்களுக்கு நன்மையை உண்டாக்கும். புதிய நட்புகளிடம் உங்கள் குடும்ப ரகசியத்தை வெளியிட வேண்டாம். வாழ்க்கைத் துணையின் ஆலோசனையை ஏற்பது என்பது இந்த நேரத்தில் உங்களுக்கு நன்மையாக இருக்கும். விவசாயிகளுக்கு எதிர்பார்த்த ஆதாயம் கிடைக்கும். பெண்களுக்கு குடும்பத்தில் ஏற்பட்ட நெருக்கடி நீங்கி நிம்மதியான நிலை ஏற்படும். மாணவர்களுக்கு மாதத்தின் பிற்பகுதியில் படிப்பில் ஆர்வம் ஏற்படும்.

சந்திராஷ்டமம்: ஆக. 20.21, செப். 16, 17.

அதிர்ஷ்ட நாள்: ஆக. 18, 25, 27. செப். 7, 9.

பரிகாரம்: தேவபுரீஸ்வரரை வழிபட உங்களுக்கிருந்த சங்கடங்கள் விலகும்.

பரணி: 

நினைத்ததை சாதிப்பதில் உறுதியாக இருக்கும் உங்களுக்கு, பிறக்கும் ஆவணி மாதம் கவனமாக செயல்பட வேண்டிய மாதமாகும். அதிர்ஷ்டக்காரகன் சுக்கிரன் செப். 1 வரை சத்ரு ஸ்தானத்திலும், அதன்பின் சப்தம ஸ்தானத்திலும் சஞ்சரிப்பதால் உடல் நிலையில் கூடுதல் கவனம் செலுத்துவது நன்மையளிக்கும். தேவையற்றப் பிரச்னைகளில் தலையிட்டு அதனால் சங்கடத்திற்கு ஆளாக வேண்டிய நிலை உருவாகும். மனதில் கவலையும் நிம்மதியற்ற நிலையும் சிலருக்கு இருக்கும். புதியதாக அறிமுகம் ஆகும் எதிர்ப்பாலினரால் குடும்பத்திற்குள் குழப்பத்தை சந்திக்க வேண்டியதாக இருக்கும். கணவன் மனைவிக்குள் சண்டை சச்சரவு என்ற நிலை உருவாக வாய்ப்பிருப்பதால் ஒழுக்கத்தில் கவனமாக இருப்பது இந்த நேரத்தில் மிக மிக அவசியம். சிலர் அவப்பெயரையும் மற்றவருடைய விமர்சனங்களையும் சந்திக்க வேண்டிய நிலை இருப்பதால் கவனமாக நடந்து கொள்வதால் அவற்றிலிருந்து தப்பிக்க முடியும். லாப ஸ்தானத்தில் சஞ்சரிக்கும் ராகு உங்களைப் பாதுகாப்பார். வியாபாரம் தொழிலில் எதிர்பார்த்த லாபம் கிடைக்கும். புதிய முயற்சிகள் வெற்றியாகும். வீடு வாகனம் என்ற கனவுகள் நனவாகும். சுக ஸ்தானத்தில் சஞ்சரிக்கும் குருவின் பார்வைகள் 8, 10, 12 ம் இடங்களுக்கு கிடைப்பதால் மறைமுக வருமானம் அதிகரிக்கும். எதிர்பாராத வாய்ப்புகள் தேடிவரும். செய்துவரும் வியாபாரம் தொழில் ஆதாயம் தரும். வீண் செலவுகள் குறையும். நிம்மதியான தூக்கம் சந்தோஷம் என்ற நிலை ஏற்படும். மாதத்தின் பிற்பகுதியில் எடுத்த வேலைகள் யாவும் வெற்றியாகும். கணவன் மனைவிக்குள் இணக்கமான நிலை உண்டாகும். உத்தியோகத்தில் இருப்பவர்களுக்கு வேலைபளு அதிகரிக்கும். அதிகாரிகளின் ஆலோசனையை ஏற்று செயல்படுவதால் சங்கடங்களில் இருந்து விடுபட முடியும். விவசாயத்தில் ஆதாயம் உண்டாகும். மாணவர்களின் கவனம் படிப்பின்மீது செல்லும்.

சந்திராஷ்டமம்: ஆக. 21, 22. செப். 17.

அதிர்ஷ்ட நாள்: ஆக. 18, 24, 27. செப். 6, 9, 15.

பரிகாரம்: ஹரசாப விமோசன பெருமாளை வழிபட சங்கடங்கள் விலகும்.

கார்த்திகை 1 ம் பாதம்: பிறருடைய நலனிலும் அக்கறை கொண்ட உங்களுக்கு, பிறக்கும் ஆவணி மாதம் திட்டமிட்டு கவனமாக செயல்பட வேண்டிய மாதமாகும். உங்கள் பூர்வ புண்ணியாதிபதி சூரியன் பூர்வ புண்ணிய ஸ்தானத்தில் ஆட்சியாக சஞ்சரிப்பதால் மனதில் இருந்த குழப்பம் விலகும். திட்டமிடாமல் செயல்படும் வேலைகளிலும் ஆதாயம் கூடும். உழைப்பு அதிகரிக்கும் என்றாலும் அதற்கேற்ற ஆதாயம் கிடைக்கும். எந்த வேலையை எடுத்தாலும் அதில் ஏதேனும் ஒரு தடை என்றிருந்த நிலை மாறும். ஞான மோட்சக்காரகன் கேதுவும் ஐந்தாம் இடத்தில் சஞ்சரிப்பதால் இந்த நேரத்தில் திட்டமிட்டு செயல்படுவது நன்மையை உண்டாக்கும். மாதம் முழுவதும் ராசிநாதன் சஞ்சாரம் சாதகமாக இருப்பதுடன் செப். 3 முதல் ஆறாம் இடத்தில் சஞ்சரிக்கும் புதனால், பொன் பொருள் சேரும். பட்டம் பதவி செல்வாக்கு என்ற நிலை உருவாகும். வியாபாரிகளுக்கும் கலைஞர்களுக்கும் எதிர்பார்த்த ஒப்பந்தம் கிடைக்கும். கேட்ட இடத்தில் இருந்த பணம் வரும். புதிய இடம் வீடு வாங்கும் முயற்சி வெற்றியாகும். லாப ஸ்தான ராகுவால் பொருளாதார நிலை உயரும். சேமிப்பு அதிகரிக்கும். தடைபட்ட வேலைகள் ஒவ்வொன்றாக நடந்தேறும். குடும்பத்தில் நிம்மதியான நிலை இருக்கும். வேலையில் இருப்பவர்களுக்கு ஏற்பட்ட பிரச்னைகள் விலகும். பெண்கள் குடும்பத்தினர் ஆலோசனையை ஏற்பது அவசியம். விவசாயிகள் சூழ்நிலை அறிந்து செயல்படுவதால் நன்மை அதிகரிக்கும். மாணவர்கள் தவறான நண்பர்களை விட்டு விலகுவதால் எதிர்காலம் சாதகமாகும்.

சந்திராஷ்டமம்: ஆக. 22.

அதிர்ஷ்ட நாள்: ஆக.18, 19, 27, 28. செப். 1, 9, 10.

பரிகாரம்: சிவசூரிய பெருமானை வழிபட உங்கள் வாழ்வில் நன்மை உண்டாகும்.