ஏப்ரல் 16ல் ஓடிடியில் வெளியாகும் 'யூத்'

'அசுரன், விடுதலை-2' உள்ளிட்ட சில படங்களில் நடித்த கென் கருணாஸ், இயக்கி ஹீரோவாக நடித்து கடந்த மார்ச் 19ம் தேதி திரைக்கு வந்த படம் 'யூத்'. கல்லூரி காதல், நட்பு குறித்த கதையில் உருவான இந்த படம் இளவட்ட ரசிகர்கள் மத்தியில் அமோக வரவேற்பு பெற்றது. இப்படத்தில் அனிஷ்மா அனில் குமார், சுராஜ் வெஞ்சாரமூடு, தேவதர்ஷினி உள்ளிட்ட பலர் முக்கிய வேடங்களில் நடிக்க, ஜி. வி. பிரகாஷ் இசையமைத்திருந்தார். பாக்ஸ் ஆபிஸில் இதுவரை இந்த படம் 53 கோடி வசூலித்துள்ளது. இந்த நிலையில் வருகிற ஏப்ரல் 16ம் தேதி நெட்பிளிக்ஸ் ஓடிடி தளத்தில் தமிழ், ஹிந்தி, தெலுங்கு, கன்னடம், மலையாளம் என ஐந்து மொழிகளில் யூத் படம் வெளியாக இருப்பதாக அறிவிக்கப்பட்டுள்ளது.