கடைசி நேரத்தில் 11 நிமிடங்கள் ட்ரிம் செய்யப்பட்ட 'பூத் பங்களா'

பாலிவுட்டில் அடுத்து மிகவும் எதிர்பார்ப்புடன் வெளியாக இருக்கும் படம் அக்ஷய் குமார் நடிப்பில் உருவாகியுள்ள 'பூத் பங்களா'. பிரபல மலையாள இயக்குனர் பிரியதர்ஷன் இயக்கியுள்ள இந்த படத்தில் வாமிகா கபி, தபு, பரேஷ் ராவல், ராஜ்பால் யாதவ், மிதிலா பார்க்கர் உள்ளிட்ட பலர் நடித்துள்ளனர். வரும் ஏப்ரல் 17ம் தேதி இந்த படம் வெளியாக உள்ள நிலையில் சமீபத்தில் சென்சாருக்கு அனுப்பப்பட்டு யு/ஏ சான்றிதழை இந்த படம் பெற்றுள்ளது.

முதலில் 2 மணி நேரம் 55 நிமிடங்கள் ஓடும் விதமாகத்தான் இந்த படம் உருவாக்கப்பட்டு இருந்தது. ஆனால் படத்தை கிரிப்பாக கொடுக்க வேண்டும் என்பதற்காக கடைசி நேரத்தில் இன்னும் 11 நிமிடங்களை ட்ரிம் செய்து தான் சென்சாருக்கு அனுப்பி சான்றிதழ் பெற்றிருக்கிறார்களாம். இந்த புதிய ரன்னிங் டைம் இந்த ஹாரர் படத்திற்கு மிக பொருத்தமாக இருக்கும் என்று அக்ஷய் குமார் நம்பிக்கை தெரிவித்துள்ளார்.