கும்பகர்ண துாக்கம்!
சி ல கட்சித் தலைவர்களை, தொண்டர்கள் தலையில் துாக்கி வைத்து ஆடும் பழைய கலாச்சாரம், கோல்டு சிட்டியில் இன்னும் மறையல. அத்தியாவசிய தேவைகளைப் பற்றி கூட கவனிக்க தவறுகிற உள்ளூர் தலைவர்கள் போக்கும் மாறல. இப்படி இருக்கையில் எப்படி உள்ளூர் ஜனங்க, இவங்களுக்கு ஆதரவாக இருக்க முடியும்.
'ஒன்லி பார் குரோர்பதி'
நா டு முழுதும் செங்கோட்டைக்கும், மாநில அசெம்பிளிக்கும் ஜனங்களோட ஐந்தாண்டுக்குரிய அத்தாட்சி சான்று பெற, 'ஒன்லி பார் குரோர்பதி' என்று எழுதப்படாத சட்டமாக்கி இருக்காங்க. இப்படி இருக்கும் போது, 'பிபிஎல்'லை சேர்ந்த ஒரே ஒருவர், இந்த அவைகளுக்குள் நுழையவா முடியும்.
அட்வான்ஸ் பட்டுவாடா!
ச ங்க நிர்வாக அதிகாரத்துக்காக ஏட்டிக்குப் போட்டி நடப்பது வழக்கம். பொது தேர்தல்களில் சாதாரணமாக ஒரு ஓட்டின் விலை 500 ரூபாய் முதல் 1,000 ரூபாயாக உயர்வதா சொல்றாங்க. பணம் பட்டுவாடா என்பது நாடெங்கும் அடிப்படை தகுதியாகவே ஆயிடுச்சி. லஞ்சம், ஊழல், முறைகேடு என்பதை எல்லாம் தடுக்க மெத்த படிச்சவங்க, சமுதாயத்தை திருத்துறவங்க கடமையை செய்யணும்.
தேயும் தெற்கு பகுதி!
கோ ல்டு சிட்டியில் முதல் மார்க்கெட் உருவானது ஆ.பேட்டையில் தான். அது சீரழிந்து கிடக்குது; எந்த ஒரு முன்னேற்றமும் இல்லை. இதனை மேம்படுத்த புதுசா திட்டமே இல்லை. வடக்கு கிராம பகுதியில் தொழிற் பூங்கா ஏற்படுத்துறாங்க; தெற்கு தேயவிடலாமா. மாரிகுப்பம், ஆ.பேட்டை பற்றி யோசிக்கலயே.