புதுடில்லி: 'ரஷ்யா, ஆஸ்திரியா நாடுகளுடன் உறவுகளை ஆழப்படுத்த 3 நாட்கள் பயணம் அருமையான வாய்ப்பாக இருக்கும்' என பிரதமர் மோடி தெரிவித்துள்ளார்.

ரஷ்ய அதிபர் புடின் அழைப்பின் பேரில் இன்று (ஜூலை 08) மாஸ்கோ புறப்பட்ட பிரதமர் மோடி, இந்தியா - ரஷ்யா உச்சி மாநாட்டில் பங்கேற்கிறார். நாளை (ஜூலை 9) ஆஸ்திரியா செல்லும் அவர், அந்நாட்டு பிரதமர் அலெக்சாண்டர் வேன் டெர் பெலனை சந்தித்து பேசுகிறார்.

ரஷ்யா, ஆஸ்திரியாவுக்கு 3 நாட்கள் அரசு முறை பயணம் மேற்கொள்ள உள்ள நிலையில், எக்ஸ் சமூகவலைதளத்தில் பிரதமர் மோடி வெளியிட்டுள்ள பதிவில்,'' ரஷ்யா, ஆஸ்திரியா நாடுகளுடன் உறவுகளை ஆழப்படுத்த இந்த பயணம் அருமையான வாய்ப்பாக இருக்கும். இரு நாடுகளில் வசிக்கும் இந்திய வம்சாவளியினருடன் தொடர்பு கொள்வதை ஆவலுடன் எதிர்பார்த்து இருக்கிறேன். இந்தியா - ரஷ்யா உடனான உறவு கடந்த 10 ஆண்டுகளில் முன்னேற்றம் கண்டுள்ளது,'' எனக் குறிப்பிட்டுள்ளார்.