ஐக்கிய முற்போக்கு கூட்டணியை போல் நாங்கள் செயலற்றவர்கள் இல்லை என இந்தியா - பாகிஸ்தான் மோதல் குறித்து பா.ஜ., கூறிஉள்ளது. இந்த சமயத்திலும் அரசியல் செய்ய வேண்டுமா? அரசுக்கு எதிர்க்கட்சியின் ஆதரவு தேவையில்லையா? அரசும் பா.ஜ.,வும் தெளிவுபடுத்த வேண்டும்.

அழகி போட்டி தேவையா?

இந்தியா - பாகிஸ்தான் இடையே பதற்றமான சூழல் நிலவும் இந்த வேளையில் தெலுங்கானா அரசு நடத்தும் 'மிஸ் வேர்ல்டு' எனப்படும் அழகிப்போட்டியை வேறு தேதிக்கு மாற்ற வேண்டும். கோடிக்கணக்கான மக்கள் பார்க்கும் ஐ.பி.எல்., போட்டியே இந்தியா -- பாக்., மோதலால் ஒத்திவைக்கப்பட்டுள்ளது.

பாடம் கற்பித்துள்ளோம்!

சண்டை நிறுத்தத்தால் மிகவும் மகிழ்ச்சியடைகிறேன். நமக்கு அமைதி அவசியம். இந்தியா எப்போதும் நீண்டகால போரை விரும்பியதில்லை. ஆனால், பயங்கரவாதிகளுக்கு ஒரு பாடம் கற்பிக்க விரும்பினோம். அந்தப் பாடம் கற்பிக்கப்பட்டுவிட்டது.