நடவடிக்கை பாயும் இதுகுறித்து, மாவட்ட நிர்வாகம் கூறியதாவது: செங்கல்பட்டு மாவட்டத்தில், சாலையில் சுற்றி திரியும் மாடுகள் பிடிக்கப்பட்டு அபராதம் விதிக்கப்படும் என்றும், மாடு வளர்ப்போர் தங்களது மாடுகளை சாலைகள் மற்றும் பொது இடங்களில் திரிய விடக் கூடாது என்றும் அறிவுறுத்தப்பட்டது. மேலும், நகராட்சியில் உரிமம் பெற்று தங்களுக்குச் சொந்தமான இடத்திலேயே, சுகாதாரமான முறையில் மாடுகளை வளர்க்குமாறு அறிவுறுத்தப்பட்டது. தவறினால், மாடுகள் பிடித்துச் செல்லப்பட்டு அபராதம் விதிக்கப்படும் என, அறிவுறுத்தப்பட்டது. இதைப் பொருட்படுத்தாமல், மாடுகள் வளர்ப்போர் அவற்றை சாலையில் திரிய விடுகின்றனர். சாலையில் திரியும் மாடுகள் மீது நடவடிக்கை எடுக்கப்படும். இவ்வாறு, மாவட்ட நிர்வாகம் கூறியுள்ளது.

தேசிய நெடுஞ்சாலையில் சில நாட்களுக்கு முன், சாலையில் மாடுகள் சுற்றித்திரிந்த போது, கார் மோதியல் ஒரு மாடு இறந்தது. மாட்டின் மீது இருசக்கர வாகனம் மோதியிருந்தால், இருசக்கர வாகன ஓட்டி இறந்திருக்க வாய்ப்புள்ளது. தேசிய, மாநில நெடுஞ்சாலைகளில் சுற்றித்திரியும் மாடுகளை கட்டுப்படுத்த, மாவட்ட நிர்வாகம் நடவடிக்கை எடுக்க வேண்டும்.
- ஆர்.விமல், புலிப்பாக்கம், செங்கல்பட்டு