நீலாங்கரை, நீலாங்கரை மாநகராட்சி நடுநிலை பள்ளியில், கூடுதல் வகுப்பறைகள் கட்ட, 2.45 கோடி ரூபாய் ஒதுக்கப்பட்டுள்ளது.

சோழிங்கநல்லுார் மண்டலம், 192வது வார்டு, நீலாங்கரை, கபாலீஸ்வரர் நகரில், மாநகராட்சி நடுநிலைப் பள்ளி உள்ளது. இங்கு, 500க்கும் மேற்பட்ட மாணவ - மாணவியர் படிக்கின்றனர்.

சில வகுப்பறைகள் சேதமடைந்துள்ளன. மேலும், மாணவர் சேர்க்கை அதிகரித்ததால், கூடுதலாக பத்து வகுப்பறைகள் கட்ட மாநகராட்சி முடிவு செய்தது.

இதற்கு, 2.45 கோடி ரூபாய் ஒதுக்கப்பட்டது. பருவமழை முடிந்த பின், பணி துவங்கும் என, அதிகாரிகள் கூறினர்.