1,048.22 ஏக்கருக்கு விரிவாக்கம்

'கொங்கு குளோபல் போரம்' இயக்குனர் சதீஷ் கூறியதாவது:கோவை விமான நிலையம் தற்போது, 420.33 ஏக்கரில் செயல்படுகிறது. 627.89 ஏக்கர் நிலம் கையகப்படுத்தியுள்ளதால், 1,048.22 ஏக்கருக்கு விரிவடைய இருக்கிறது. 45 மீட்டர் அகலத்தில், 2,990 மீட்டர் நீளத்துக்கு ஓடுதளம் உள்ளது; 3,810 மீட்டர் நீளத்துக்கு விரிவாக்கம் செய்ய முன்மொழிவு தயாரிக்கப்பட்டுள்ளது.'டெர்மினல் பில்டிங் பேஸ்-1' கட்டி, ஒரே நேரத்தில், 20 விமானங்கள் நிறுத்தும் வகையில் வசதிகள் செய்ய திட்டமிடப்பட்டு இருக்கிறது. எதிர்காலத்தில், 'டெர்மினல் பில்டிங் பேஸ்-2' கட்டி, கூடுதலாக விமானங்கள் நிறுத்தவும் போதிய இடம் ஒதுக்கப்பட்டு உள்ளது.விமான நிலைய கட்டுப்பாட்டு அறை எந்த இடத்தில் வரும்; தீயணைப்பு நிலையத்தை இடம் மாற்றம் செய்வது போன்ற விபரங்கள் 'மாஸ்டர் பிளானில்' கூறப்பட்டிருக்கிறது. தற்போது வெளியாகியுள்ள வரைபடத்தை ஆய்வு செய்தால், நீலாம்பூரில் லீ மெரிடியன் ஓட்டல் எதிரில் இருந்தும், எல் அண்டு டி பை-பாஸில் வருவோர் பயன்படுத்தும் வகையிலும் நுழைவுவாயில் அமைய வாய்ப்பிருக்கிறது.இவ்வாறு, அவர் கூறினார்.