கடலுார்: கடலுார் பாடலீஸ்வரர் கோவிலில் நேற்று 3வது சோமவார சிறப்பு பூஜை நடந்தது.

கடலுார் பாடலீஸ்வரர் கோவிலில் கார்த்திகை மாத 3வது சோமவாரத்தையொட்டி நேற்று காலை சங்கல்பம், கலச பூஜை நடந்தது. தொடர்ந்து, பாடலீஸ்வரருக்கு ஏகாதச ருத்ராபிஷேகம், ஹோமம் நடந்தது. அதனை தொடர்ந்து, புனித நீர் அடங்கிய கலசங்கள் ஆலயம் வலம் வந்து, பாடலீஸ்வரர், பெரியநாயகி அம்மனுக்கு கலச அபிஷேகம் நடந்தது.

மாலை 1008 சங்கு பூஜை, பாடலீஸ்வரருக்கு வாசனை திரவியங்களால் அபிஷேகம், ஹோமம் நடந்தது.

பாடலீஸ்வரர், பெரியநாயகி அம்மன் சிறப்பு அலங்காரத்தில் அருள்பாலித்தனர். ஏராளமான பக்தர்கள் சுவாமி தரிசனம் செய்தனர்.