பவானிசாகர்: பவானிசாகர் அணை நீர்பிடிப்பு பகுதிகளான வட கேரளா மற்றும் நீலகிரி மலைப் பகுதியில் பரவலாக மழை பெய்கிறது.

இதனால் அணைக்கு நீர்வரத்து அதிகரித்துள்ளது. நேற்று முன்தினம், 1,328 கன அடியாக இருந்த, 8,611 கன அடியாக நேற்று காலை உயர்ந்தது. நேற்றைய நிலவரப்படி அணை நீர்மட்டம், 99.06 அடி, நீர் இருப்பு 27.9 டி.எம்.சி.,யாக இருந்தது. அணையில் இருந்து பாசனம் மற்றும் குடிநீர் தேவைக்காக கீழ்பவானி வாய்க்காலில், 1,300 கன அடி தண்ணீரும், பவானி ஆற்றில் 100 கன அடி தண்ணீரும் வெளியேற்றப்படுகிறது.