ADDED : ஜூன் 16, 2024 05:10 AM
* தீப்பிடித்ததில் பக்தை பலி
மதுரை: ஆத்திக்குளம் லட்சுமி 58. அப்பகுதி விநாயகர் கோயிலுக்கு சென்று விளக்கு ஏற்றும்போது எதிர்பாராதவிதமாக சேலையில் தீப்பிடித்தது. சிகிச்சையில் இருந்தவர் நேற்றுமுன்தினம் பலியானார்.
* மனைவிக்கு அயர்ன்பாக்ஸ் சூடு
வாடிப்பட்டி: பரவை சத்தியமூர்த்தி நகர் வீரபாபு 26. இவரது மனைவி ஹேமலதா 24. ஏற்கனவே முதல் கணவர் மற்றும் 2 மகள்களை பிரிந்து வீரபாபுவை 2வது திருமணம் செய்தார். அப்பகுதி தனியார் குடியிருப்பில் வீட்டு வேலைக்கு செல்லும் ஹேமலதா நடத்தையில் வீரபாபு சந்தேகப்பட்டு முகத்தில் அயர்ன்பாக்ஸால் சூடு வைத்து விட்டு தப்பி ஓடினார். சமயநல்லுார் போலீசார் தேடி வருகின்றனர்.