சேலம், தமிழ்நாடு அரசு ஊழியர் சங்கம் சார்பில், சேலம், கோட்டை மைதானத்தில் நேற்று ஆர்ப்பாட்டம் நடந்தது. மாவட்ட தலைவர் ராமாயி தலைமை வகித்தார்.

அதில் மத்திய அரசு ஊழியர்களுக்கு அறிவித்ததை போன்று தமிழக அரசும், 3 சதவீத அகவிலைப்படியை ஜூலை 1 என முன் தேதியிட்டு அறிவித்தல்; அரசு உதவி பெறும் கல்லுாரிகளை தனியார் பல்கலைக்கழகங்களாக மாற்றும் சட்ட திருத்தத்தை ரத்து செய்ய வேண்டும் என வலியுறுத்தினர். மாவட்ட செயலர் செல்வம் உள்ளிட்ட நிர்வாகிகள், தமிழ்நாடு நுாலகர் முன்னேற்ற சங்க மாநில தலைவர் தியாகராஜன் உள்பட பலர் பங்கேற்றனர்.