தேனி: தேனி கனரா வங்கி ஊரக சுயதொழில் வேலைவாய்ப்பு பயிற்சி மையத்தில் அக்.,6 முதல் செயற்கை நகை, ஆபரணங்கள் தயாரித்தல் இலவச பயிற்சி நடக்கிறது.

கிராமப்புறத்தை சேர்ந்த 18 வயதிற்கு மேற்பட்ட பெண்கள் இப்பயிற்சிக்கு விண்ணப்பிக்கலாம். பயிற்சி, தங்குமிடம், உணவு இலவசம். பயிற்சி தினமும் காலை 9:30 மணி முதல் மாலை 5:30 மணி வரை நடைபெறும். பயிற்சியில் தேர்ச்சி பெறுவோருக்கு சான்றிதழ், வங்கி கடன் ஆலோசனை வழங்கப்படும்.

விருப்பமுள்ளவர்கள் கருவேல்நாயக்கன்பட்டி தொழிலாளர் நல அலுவலகம் அருகே உள்ள கனரா வங்கி ஊரக சுயதொழில் வேலைவாய்ப்பு பயிற்சி மையத்தை நேரில் அணுகலாம். அல்லது 95003 14193 என்ற அலைபேசி எண்ணில் தொடர்பு கொள்ளலாம் என பயிற்சி மைய இயக்குநர் ரவிக்குமார் தெரிவித்துள்ளார்.