காங்கேயம், கோவை மத்திய சிறையில் இருந்து நீதிமன்ற காவல் கைதிகள் மூன்று பேரை, திருச்சி மாவட்டம் தொட்டியம் கோர்ட்டுக்கு ஆஜர்படுத்த, போலீஸ் வாகனத்தில் நேற்று முன்தினம் காலை அழைத்து சென்றுள்ளனர்.

கோர்ட் பணிகளை முடித்து கோவை திரும்பினர். நள்ளிரவு, 12:00 மணியளவில், வெள்ளகோவில், குறுக்கத்தி அருகே முன்னால் சென்ற முட்டை வாகனம் மீது போலீஸ் வாகனம் மோதியது. இதில் கண்ணாடி மட்டுமே உடைந்தது. யாருக்கும் பெரிய அளவில் காயம் ஏதுமில்லை. திருப்பூரில் இருந்து வேறொரு போலீஸ் வாகனம் வரவழைக்கப்பட்டு, அதில் கைதிகளை ஏற்றி சென்றனர்.