சென்னை: இந்தியன் ஆயில், பாரத், ஹிந்துஸ்தான் பெட்ரோலியம் ஆகிய பொதுத்துறை எண்ணெய் நிறுவனங்கள், வீடுகளுக்கு 14.20 கிலோ எடையிலும்; வணிகப் பிரிவுக்கு 19 கிலோ எடையிலும் சமையல் காஸ் சிலிண்டர்களை வினியோகம் செய்கின்றன.

இந்நிறுவனங்கள் சர்வதேச சந்தையில் நிலவும் கச்சா எண்ணெய் விலைக்கு ஏற்ப, உள்நாட்டில் மாதந்தோறும் முதல் நாளன்று, சமையல் காஸ் சிலிண்டர் விலையில் மாற்றம் செய்கின்றன.

தமிழகத்தில் ஜூலையில் வீட்டு சிலிண்டர், 818.50 ரூபாய்க்கு விற்கப்பட்டது. இம்மாதமும் அதன் விலை மாற்றப்படாமல், 818.50 ரூபாயாகவே உள்ளது.

ஜூலையில் வணிக சிலிண்டர், 1,809.50 ரூபாய்க்கு விற்கப்பட்டது. இம்மாதம் அதன் விலை 7.50 ரூபாய் உயர்ந்து, 1,817 ரூபாயாக நிர்ணயம் செய்யப்பட்டுள்ளது.