ஒலிம்பிக் போட்டித்தொடர் என்றாலே அனைவரின் நினைவுக்கும் ரஷ்யா என்ற நாட்டின் பெயர் வந்து செல்லும். அந்நாட்டு வீரர்களின் பங்களிப்பும், பதக்கம் வென்று ஆர்ப்பரிக்கும் அவர்களின் உற்சாகமுமே இதற்கு காரணம்.

உக்ரைன் நாட்டுக்கு எதிரான போர் நடவடிக்கைகள் எதிரொலியாக, ரஷ்யா, பெலாரஸ் நாடுகள் நடப்பு ஒலிம்பிக்கில் பங்கேற்க சர்வதேச ஒலிம்பிக் கமிட்டி தடை விதித்துள்ளது.

இதனால், போட்டிகளில் பங்கேற்றுள்ள அவர்கள் வென்றால் அந்நாட்டு தேசிய கீதம் இசைக்கப்படாது. மாறாக தனிக்கொடி, நடுநிலை வீரர்கள் பாடல் மட்டுமே ஒலிக்கப்படும். மேலும், பிரெஞ்ச் சொற்றொடரான Individual Neutral Atheletes என்பதன் சுருக்கமான AIN என்ற பெயரில் அடையாளப்படுத்தப்படுகின்றனர்.

AIN பிரிவில் ரஷ்யா, பெலாரஸ் நாடுகளின் 32 வீரர்கள் பளு தூக்குதல், மல்யுத்தம் என பல்வேறு போட்டிகளில் பங்கேற்று இருக்கின்றனர். நேற்று நடைபெற்ற டிராம்போலைன் போட்டியில் பெலாரஸ் வீராங்கனை வியலேட்டா பார்டிசிசுலோஸ்கயா வெள்ளி வென்று AIN என்று தான் அடையாளப்படுத்தப்பட்டார்.