வில்லுக்குறி : மாம்பழத்துறையாறு அணையின் மேல்பகுதியில் முளம்சல்லி ஓடை நீர்வீழ்ச்சி சுற்றுலா பயணிகளை கவரும் விதத்தில் உள்ளது.

அணையின் மேல் பகுதியில் சுமார் ஒரு கி.மீ., தூரத்தில் இந்த நீர்வீழ்ச்சி அமைந்துள்ளது. இதனை சுற்றுலா தலமாக மாற்ற வேண்டுமென பாசனத்துறை நீர்வாகிகள் கோரிக்கை வைத்தனர். இதை தொடர்ந்து பத்மனாபபுரம் ஆர்.டி.ஓ., மோகனசந்திரன் தலைமையில் அதிகாரிகள் கடந்த சில மாதங்களுக்கு முன் முளம்சல்லி ஓடையை பார்வையிட்டு மாவட்ட நிர்வாகத்திடம் அறிக்கை சமர்ப்பித்தனர். உலக சுற்றுலா தினவிழா கொண்டாடும் இவ்வேளையில் முளம்சல்லி ஓடை நீர்வீழ்ச்சியில் சுற்றுலா மேம்பாட்டிற்கு அரசு நடவடிக்கை எடுக்க வேண்டும் என்ற எதிர்பார்ப்பு மேலோங்கியுள்ளது.