வள்ளியூர் : தெற்கு கள்ளிகுளம் பரிசுத்த அதிசய பனிமாதா ஆலய தேர்பவனி திருவிழா கொடியேற்றத்துடன் நேற்று துவங்கியது.தெற்கு கள்ளிகுளம் பரிசுத்த அதிசய பனிமாதா ஆலய திருவிழா ஆண்டுதோறும் ஜூலை 27ம் தேதி கொடியேற்றத்துடன் துவங்கி 10 நாட்கள் வெகுவிமர்சையாக நடைபெறும்.

4ம் தேதி 9ம் திருவிழா அன்று மதுரை மறைமாவட்ட ஆயர் பீட்டர் பர்னான் தலைமையில் சிறப்பு மாலை ஆராதனையும், மறையுரையும் நடக்கிறது. இரவு 12 மணிக்கு அதிசய பனிமாதா தேரில் பவனி வந்து பக்தர்களுக்கு காட்சி கொடுக்கிறார்.திருவிழா நாட்களில் தினமும் காலையில் திருயாத்திரையுடன் திருப்பலியும், மாலையில் ஜெபமாலை மறையுரையுடன் நற்கருணை ஆசீரும் நடக்கிறது. ஏற்பாடுகளை தர்மகர்த்தா ஆனந்தராஜா, பங்குதந்தை அந்தோணிதாஸ், உதவி பங்குதந்தை அமலன் மற்றும் நிர்வாக குழு உறுப்பினர்கள், கத்தோலிக்க கிறிஸ்தவ நாடார் மகமை சங்கத்தினர், பங்கு இறைமக்கள் செய்து வருகின்றனர்.