திருக்கோவிலூர் : திருக்கோவிலூரில் தென்பெண்ணை ஆற்று பகுதியில் மணல் எடுப்பதால் பாலத்திற்கு பாதிப்பு ஏற்படும் அபாயம் உருவாகியுள்ளது.

இதனால் மேம்பாலத்திற்கும், தரைப்பாலத்திற்கும் இடையே ஆற்றில் அதிக மாட்டு வண்டிகளில் மணல் எடுக்கின்றனர். மணல் எடுக்க தடை செய்துள்ள பகுதியில் தான் தொல்லியல் துறை பராமரிப்பில் இருக்கும் கபிலர் குன்று உள்ளது. இங்கு மணல் எடுப்பதால் பல போராட்டத்திற்கு பிறகு சீரமைத்த தரைப் பாலம் உடையும் அபாயம் ஏற்பட்டுள்ளது. அருகில் இருக்கும் உயர்மட்ட பாலமும் உறுதி தன்மை பாதிக்கும் அபாயம் ஏற்பட்டுள்ளது. மாட்டு வண்டிகளில் மணல் கடத்துவதை தடுக்க அதிகாரிகள் நடவடிக்கை எடுக்க வேண்டும்.