மதுரை : மதுரையில் எலும்பு குறைபாடுகளால் ஜெயில் வார்டன் பணி மறுக்கப்பட்ட இருவருக்கு, மறு மருத்துவசோதனை நடத்துவது குறித்த மனு மீது இரு வாரங்களுக்குள் நடவடிக்கை எடுக்க உள்துறை செயலாளருக்கு ஐகோர்ட் கிளை உத்தரவிட்டது.

மனுக்கள் நீதிபதி எஸ்.மணிக்குமார் முன் விசாரணைக்கு வந்தன. மனுதாரர் சார்பில் வக்கீல்கள் ராகுல், ஸ்டாலின் ஆஜராயினர். அரசு தரப்பு வக்கீல் முகமது மூகைதீன், ''மனுதாரர்களுக்கு மறு மருத்துவ பரிசோதனை நடத்த கோரி உள்துறை செயலாளரிடம் அனுமதி கோரப்பட்டுள்ளது. அனுமதி கிடைத்தவுடன், மருத்துவ பரிசோதனை நடத்தப்படும்,'' என்றார். நீதிபதி பிறப்பித்த உத்தரவில், ''மனுதாரர்களை மறு மருத்துவ பரிசோதனைக்கு அனுப்ப அனுமதி கோரும் மனுவை இரு வாரங்களுக்குள் பரிசீலித்து உள்துறை செயலாளர் தகுந்த நடவடிக்கை எடுக்க வேண்டும்,'' என்றார்.