திருப்பூர் : ஆசிரியர்களுக்கு அர்ப்பணிப்பு உணர்வு மிக முக்கியம்; அர்ப்பணிப்பு உணர்வுள்ள ஆசிரியர்களிடம் படிப்பது மாணவர்களுக்கு சுகம் என, சொற்பொழிவாளர் சுகிசிவம் பேசினார்.வாழ்வியல் பயிலரங்க அமைப்பு மையம் சார்பில் பள்ளி முதல்வர், ஆசிரியர்களுக்கான பண்பு பயிற்சி விழிப்புணர்வு முகாம் வேலாயுதசாமி திருமண மண்டபத்தில் நேற்று நடந்தது.

சொற்பொழிவாளர் சுகிசுவம் 'ஆசிரியர்களுக்கான பண்புகள்' குறித்து பேசியதாவது:நன்றாக படிக்கும் மாணவனை தேர்ச்சி பெற வைப்பது ஆசிரியர் பணியல்ல. பலவீனம், குறைகள், குறைபாடு உள்ள மாணவர்கள்தான் ஆசிரியர் பணிக்கான மூலதனம்; அவர்களை வெற்றியடைய செய்வதில் ஆசிரியர் வெற்றி பெறுகிறார்.ஆசிரியர் எதிர்பார்க்கும் அளவுக்கு மாணவர்கள் இருக்கமாட்டார்கள். நன்றாக பயின்று படிப்பை முதன்மைபடுத்தி வாழ்வில் முன்னேறும் மாணவர்கள் ஒரு விதம். அதேபோல், நன்றாக படிக்காத மாணவர்கள் தோற்றுப்போவார்கள் என்பது தவறான கண்ணோட்டம். கல்வி என்பது பொதுவான வழியில், அனைவரும் மேலே வருவதற்கான ஒரு வழி. ஆனால் அதில் சில விதிவிலக்குகளும் உண்டு.

ஒவ்வொரு மாணவரிடத்தும் ஒரு தனித்துவம் ஒளிந்திருக்கும். ஒரு மாணவன் எதை வைத்து, எதை முன்னிலைப்

ஆசிரியர்கள் அதிகம் படிக்க வேண்டும்; தொழில்நுட்ப வளர்ச்சியால் மாணவர்கள் அதிகம் கற்றுக்கொள்கின்றனர். அவர்களது சந்தேகங்களுக்கு பதிலளிக்கும் வகையில் ஆசிரியரின் திறன் வளர்ந்து கொண்டே இருக்க வேண்டும்.