பிளாஷ்பேக்: கே.பாக்யராஜ் ஜோடியாக நடித்த பாலிவுட் நடிகை

பாலிவுட்டின் முன்னணி நடிகையான மீனாட்சி சேஷாத்திரி தமிழில் 'என் ரத்தத்தின் ரத்தமே' படத்தின் மூலம் அறிமுகமானார். இந்தியில் வெற்ற பெற்ற 'மிஸ்டர் இந்தியா' என்ற படத்தின் உரிமத்தை வாங்கிய கே.பாலாஜி தனது சுஜாதா சினி ஆர்ட்ஸ் மூலம் தமிழில் 'ரத்தத்தின் ரத்தமே' என்ற பெயரில் ரீமேக் செய்தார். இதில் அனில் கபூர் நடித்த கேரக்டரில் கே.பாக்யராஜூம், ஸ்ரீதேவி நடித்த கேரக்டரில் மீனாட்சி சேஷாத்ரியும் நடித்தனர். இவர்களுடன் சரத் சக்ஷேனா, கேப்டன் ராஜூ, ஜனகராஜ், சூர்யகாந்த் அகியோரும் நடித்தனர். சங்கர் கணேஷ் இசை அமைத்திருந்தனர்.

இந்த படத்தை கே.விஜயன் இயக்கி வந்தார். படப்பிடிப்பு நடந்து கொண்டிருந்தபோது கே.விஜயன் இறந்ததால் அவரது மகன் சுந்தர் கே.விஜயன் மீதி படத்தை இயக்கினார். இந்தியில் பெரிய வெற்றி பெற்ற இந்தப் படம் தமிழில் தோல்வி அடைந்தது.

இதனால் மீனாட்சி சேஷாத்திரி அதன் பிறகு நடிக்கவில்லை. நீண்ட இடைவெளிக்கு பிறகு கே.பாலச்சந்தரின் 'டூயட்' படத்தில் பிரபு ஜோடியாக நடித்தார். இந்த படத்தில் அண்ணன் பிரபுவும், தம்பி ரமேஷ் அரவிந்தும் மீனாட்சி சேஷாத்ரியை கதலிக்கும் கதை. 'என் ரத்தத்தின் ரத்தமே' படத்தில் கே.பாக்யராஜ் ஆட்டோ டிரைவராகவும், மீனாட்சி சேஷாத்ரி பத்திரிகையாளராகவும் நடத்திருந்தனர்.